蛇年啟市，祝各位開工大吉，生財有道。不過今年至緊要謹記「宜慎小人，凡事不利」……若然拜年嗰陣，真係有人以呢兩句賀贈，擺明就係尋釁滋事，準備反枱，
點可能兜得番。所以確實難為解籤佬喺大年初二，劉皇叔按照慣例（或惡風劣俗）「為」香港求得嗰支第95下籤後，要助其圓說。話咩做到「人和政通，政通人
和」，社會自然和平安定，即係「講完等於冇講」嗰隻，不過搵食嘅嘢，你清楚我明白。
而坊間亦爭相為籤文解說，煞有介事又驚死執輸，倒是大家似已忘了，「怎麼解，如何準」根本就是偽問題。正知當日「曾特」有關六四言論怎可代表香港人？區區
689又豈能居民意，甭說孚眾望。劉皇叔若為鄉異局、圍頭人、原居民求神問卜，我絕不置喙，但恣意拉全港市民落水，恕小民敬謝不敏，且難就範。天天喊民
主，爭普選，卻在這些關節眼順天應命，還要湊埋熱鬧，只是一城小農。
翌日黨報社評，本來借題「旅業興旺」，暗銷「自由行」和「中港融合」，也要特意岔開一筆為劉皇叔求得下籤補鑊解窘。讀此膠文，隨手對號（括號内為筆者杜
撰），卻全然入座：「不過，求得甚麼籤（阿爺揀咗個咩人）並非最重要，重要的是如何齊心一意發展經濟，改善民生（京官眼中從來只見「繁榮安定」）。求得下
籤（揀咗個衰人）反而警示市民未來可能會面對不少挑戰（其實係要挑戰港人嘅底線），更須放下政爭（即係放棄抗爭），共謀發展（咪就係朝「一國」而走），對
香港未嘗不是好事。」
總之就係時刻提點我哋，下籤又好，咩特首都好，我哋都要揸頸硬食。至於有好事者，以籤文內容大造文章，更是正中「小人」下懷。須知自何前局長2003當年
同樣求得下籤，接踵而至的沙士和七一以後，每年啲高官權貴喺車公廟求籤前，據悉已盡量收起啲不祥下籤。但係咁都求得到，除咗「車公」做漏嘢之外，說不定還
有人謀。而「尖啤」在前，窩裡另有共反何奇之哉？
所以劉皇叔那一句「下籤都係好」，豈是畫「蛇」添足以應節，更非昭告天意，而是借題發揮，雖知蛇鼠從來都是一窩。
