黎廣德: 不要侮辱港人 請陳茂波公開辯論

發展局「博客」陳茂波今天在「局長隨筆」表示，近萬名向城規會提出反對將中環海濱劃作「軍事用途」的香港人，都是「在網上看到有關不確陳述和呼籲而又未能掌握事實全部的市民」，這實在是對香港市民和傳媒極大的侮辱。

事實上，在4月15日，即城規會截止意見申述的最後一天，市民本着對香港的熱愛、對城市的關懷，在掌握「軍用碼頭」改劃「軍事用地」事件的來龍去脈後，馬上致函城規會，正是公民社會成熟的表現。

陳茂波指責報章和民間團體以「失實的指控誤導了公眾」，只是希望轉移視線，逃避交代兩個最核心的問題：

一、為何要把解放軍軍艦每隔三至四年才用一次的碼頭，要從過去十多年來的法定圖則上的「休憩用地」改劃作「軍事用途」，並且遲至4月21日才在「局長隨筆」首次說明「軍用碼頭的建造工程完成後，將移交予香港駐軍管理」的部署？
二、為何發展局有法不依，未有按照法定圖則的要求向城規會申請，便偷步興建了軍事碼頭四個建築物及一條幾十米長横空而過的「日本軍刀」型石屎橫樑裝飾？明 明大綱圖註釋中的第七段說明「經常准許的政府工程」並不包括已列於「第二欄」用途的工程 (而碼頭用途正列於「第二欄」)，陳茂波卻裝作視而不見並且多次逃避記者追問？

保護海港協會在提交城規會的函件中，確曾錯把軍用碼頭的可建樓面面積由10萬平方呎寫成100萬平方呎 (政府於2013年4月15日晚發出新聞稿澄清，雖然軍用碼頭高限為主水平基準上10米，但「而現時軍用碼頭的地面已是主水平基準上4.2米」。因此，按 照政府的解釋推算，建築物最多樓高兩層，可建樓面面積最多為6萬多平方呎。)，但有多少市民是因為這個錯誤數字而致函給城規會？陳茂波把這項錯誤無限放 大，說近萬的市民都受誤導，究竟有何依據？

我提議所有認為自己受傳媒和民間團體誤導而致函城規會的市民，可致函陳茂波撤回反對意見。反之，認為陳茂波有責任回應公眾質詢的市民，可致函陳茂波要求他接受民間團體公開辯論的邀請。我們歡迎他選擇任何日期和時間，在中環海濱公開討論，讓真相越辯越明。

參考連結：
發展局局長隨筆：《所為何事？》


添馬男: 謬波玩死解放軍

現屆政府官員，上場後飽受傳媒批評，不單政治及政策論述水平低，辯論及溝通能力弱，而且態度惡劣。早前梁振英同前線記者茶敍，記者問到政改諮詢時間表何時啟動，是否要請示喬曉陽，梁振英回應一句rubbish，令人愕然 O 嘴。眾所周知政改問題上北京係有權參與，政改五部曲有規有矩，記者提問合情合理，梁振英為何咁大反應！而且用字粗鄙。Rubbish 在殖民地時代，是洋人高官辱罵華人下屬常用之詞，用來回應記者提問，殊不恰當。

寫網誌當從政

至於另一位梁粉局長陳茂波，就更加可笑，以在網誌發表文章當做從政，有時真係諗，如果寫文章可以作為官員立場，代表政府發言，點解要比 30 幾萬一個月人工。佢為解放軍碼頭保駕護航，用網誌方式發表強硬言論，批評向城規會提出反對人士無理取鬧。我當你政府今次啱晒，反對人士全部錯晒，咁點解陳局長唔敢公開同公民黨辯論，落立法會砌過，駁斥佢哋歪曲事實呢？更可笑係用局方名義發出，一個正規新聞稿也欠奉。

外邊人唔理解，以為寫網誌同發新聞稿、立法會發言冇乜分別，實情大有分別。網誌由政治助理撰寫，唔使經局內政務官參與，可以亂砌亂寫，反之新聞稿及立法會發言，政務官作主導，有幾多事實就寫幾多，亦唔會用撩交打之文字作政治攻擊。政務官智慧係悶聲發大財，no news is good news，冇人為意靜靜過咗所有法定程序就一切大吉，俾人批評兩句冇所謂。

陳茂波之流半桶水，對政治一知半解，以為跳出嚟反擊，就可以奪回輿論陣地，掌握話語權，將反對者消音。佢呢種低能夾幼稚之做法，又點會得到局內政務官支持，所以就惟有自己同助理閂埋門寫網誌，一於貫切梁粉從政格言：「講咗就當做咗」，而殊不知佢呢種幼稚做法，就正正壞事，見你鬧人咁有型，其他原本唔相干之團體、個人及無跟開的記者，都會伸個頭去望一望，睇睇乜事，一旦成為眾人關心焦點，其他建制派想側側膊支持也困難，至少會彈開持觀望態度。

如果局長有水平，真係準備打仗，在發表完強硬立場後，理應有所計劃部署，有其他政黨、專家、學者、行會人士出來和應，一於大合唱。但奇就奇在上次鬧完，根本冇人呼應，本周再寫再鬧，來來去去得佢一個人，你話係咪得啖笑。

梁營人士處事高調，打鑼打鼓就當執行了，結果做衰咗就諉過於人，PLA 軍用碼頭隨時又會在茂波局長手中鬧大，真係多得佢唔少。