中 產 心 理 ， 耐 人 尋 味 。 你 問 一 個 「 手 緊 」 文 員 ， 他 可 能 不 敢 自 稱 中 產 。 飲 杯 Starbucks 咖 啡 ， 三 四 十 蚊 啊 大 佬 ， 唔 捨 得 。 一 個 搵 幾 十 萬 一 個 月 的 專 業 人 士 ， 他 飲 咖 啡 要
飲 巴 西 的 、 哥 倫 比 亞 的 、 藍 山 的 ， Starbucks ？ 太 冇 味 道 ， 太 淡
了 ， 水 一 樣 ！ 呢 類 人 自 稱 中 產 ， 都 講 得 通 ， 不 過 「 一 般 」 飲 Starbucks 的 中 產 就 會 好 冇 癮 。
市 井 一 點 來 說 ， 乜 係 中 產 ， 可 以 講 金 ， 又 可 以 講 心 。 講 金 者 ， 你 搵 幾 錢 個 月 呀 ？ 幾 萬
蚊 ， 是 全 港 人 口 的 中 位 數 ， 好 容 易 計 。 不 過 ， 地 盤 執 石 仔 阿 姐 阿 嬸 ， 六 百 蚊 一 日 ， 學 歷 不 拘
， 目 不 識 丁 不 要 緊 ， 都 可 以 搵 萬 幾 蚊 一 個 月 。 地 盤 工 人 ， 有 技 術 ， 有 力 氣 ， 開 足 工 ， 月 入 超
過 兩 萬 不 出 奇 。 那 你 叫 他 中 產 ？ 他 會 否 自 稱 ， 我 係 中 產 ， 我 飲 咖 啡 ， 我 睇 法 國 電 影 ？
唔 講 金 ， 不 如 講 心 。 心 也 者 ， 心 情 呀 、 品 味 呀 、 喜 好 呀 ， 呢 虛 無 縹 緲 ， 仲 難 講 得 清 楚
。 飲 咖 啡 已 經 頭 痛 。 你 多 多 要 求 ， 又 拉 花 又 要 貓 屎 咖 啡 。 仲 要 量 度 溫 度 ， 飲 飲 ， 仲 要 學 埋 炒
咖 啡 豆 ， 講 究 一 下 咖 啡 機 。 姿 姿 整 整 ， 中 產 無 疑 。 之 但 係 ， 有 些 中 產 ， 回 到 舊 屋 最 破 落 的 茶
餐 廳 ， 飲 一 杯 鴛 鴦 ， cheap 到 冇 人 有 ， 連 咖 啡 杯 都 有 茶 漬 ， 但 又 好 似 好 有 文 化 咁 ， 話
呢 係 樸 實 的 風 味 。
或 者 講 金 與 講 心 ， 文 義 對 比 ， 可 分 出 四 個 品 味 圖 。 一 、 冇 錢 又 不 會 計 較 品 味 ， 工 人 階
級 、 草 根 階 層 ， 為 口 奔 馳 ， 搵 到 食 ， 其 他 都 屬 次 要 。 二 、 有 錢 又 有 品 味 的 受 薪 階 層 ， 生 活 穩
定 ， 識 飲 識 食 ， 是 相 對 優 游 的 中 產 。 三 、 有 錢 冇 品 者 ， 新 富 也 ， 炫 耀 他 的 名 牌 、 名 車 、 豪 宅
， 這 一 群 ， 還 要 三 五 七 年 ， 慢 慢 學 做 一 個 不 張 揚 的 中 產 。 品 味 呢 家 ， 唔 係 有 錢 就 可 以 大 晒 。
四 、 有 一 類 「 中 產 」 很 有 趣 ， 品 味 高 ， 錢 就 冇 ， 例 如 文 人 雅 士 ， 讀 書 多 ， 又 係 戲 精 ， 錢 搵 得
唔 多 ， 甚 至 是 作 家 、 藝 術 家 ， 在 有 限 的 收 入 ， 去 經 營 自 己 的 尊 嚴 與 性 格 。
