建制派「等埋發叔」事件，本來是「花生show」，猶如見到有人踩蕉皮仆低，大家指指點點睇熱鬧，因為政改方案唔夠三分二支持票，命運早已寫在牆上，蝦碌只係臨尾即興加插的一段鬧劇，無足輕重。
但從蝦碌原因及之後各方反應去分析，就知蝦碌只是冰山一角，細心爬梳，就更會知道「等埋發叔」並非笑片鬧劇，而是一齣驚慄恐怖片。林大輝、田北俊認為冇理 由為等劉皇發無足輕重的一票而搞流會，最終搞出大頭佛，相信好多人都係咁諗。但大家有否想過為何發叔一票如此重要，令一眾老牌政客甘冒高風險，在最後一分 鐘都要搞流會而出事呢？之後又痛哭流涕呢？答案係三個字：「恐懼」。大家當然唔係怕唔等劉皇發而得罪咗新界王，而係怕背後之中央官員。今年兩會期間張德江 見香港政協，表明通過支持政改係「硬任務」，就係要建制派死做，冇得吞卜，否則追究責任。今次方案99%乃來自人大八三一決定，並非特區政府建議，既然人 大有無上權威，建制派就只有瞓身支持，而支持票更是一個不能少。
但從蝦碌原因及之後各方反應去分析，就知蝦碌只是冰山一角，細心爬梳，就更會知道「等埋發叔」並非笑片鬧劇，而是一齣驚慄恐怖片。林大輝、田北俊認為冇理 由為等劉皇發無足輕重的一票而搞流會，最終搞出大頭佛，相信好多人都係咁諗。但大家有否想過為何發叔一票如此重要，令一眾老牌政客甘冒高風險，在最後一分 鐘都要搞流會而出事呢？之後又痛哭流涕呢？答案係三個字：「恐懼」。大家當然唔係怕唔等劉皇發而得罪咗新界王，而係怕背後之中央官員。今年兩會期間張德江 見香港政協，表明通過支持政改係「硬任務」，就係要建制派死做，冇得吞卜，否則追究責任。今次方案99%乃來自人大八三一決定，並非特區政府建議，既然人 大有無上權威，建制派就只有瞓身支持，而支持票更是一個不能少。
建制派向中聯辦負責
經民聯是西環支持下成立的議會派系，08年自由黨爆發內鬥，西環支持林健鋒接替唔聽話之田北俊出任主席，而田則撐自由黨老臣子劉健儀接班，最終林 健鋒、劉柔芬及梁君彥非常突然地退黨，加上更早退黨的劉皇發、西環契女梁美芬、地產界代表石禮謙組成經民聯，同西環關係十分密切，而自由黨就慘情，立法會 內得番三條友，失去建制派核心地位。今次若果西環嫡系在「硬任務」之前都欠組織紀律，無端冇咗一票，你話點向更高層交代，所以臨尾林健鋒先至騰晒雞，搵葉 國謙齊齊吹雞搞流會，搞出大頭佛。事發後梁君彥立即表示下午去向中聯辦解釋，之後石禮謙、吳亮星上門解畫，葉劉表示預約傾心事，擺明話畀大家聽，中聯辦先 至係老闆，毫不掩飾畀香港人親眼目睹香港係由黨委書記話事。
蝦碌事件後各方反應中田北俊一番說話值得深思，翌日佢上電台解釋，指建制派根本唔係一個黨，亦冇主席，只有梁振英先想有建制黨。但大家諗清楚，為何建制派 會變成為一盤散沙，而為何只有梁振英先至想組織建制黨呢？英治時代，港英指派的立法局首席議員就是建制黨主席，最早一個叫何啟爵士，最後一個叫李鵬飛，曾 任自由黨主席。首席議員功能是確保港督會同行政局決定得到立法局支持，首席議員並非由倫敦或港督亂點一通，而係計Seniority，並要得到布政司支 持。立法局引入直選後，反對派挾民意入局，港英立即變陣，九二年決定取消首席議員，而直接由布政司霍德指揮建制派。大英帝國管治精要之處，是只管關節眼， 抓大放小，政治唔係Micromanagement。
問題係今日立會建制派頭領，葉國謙、譚耀宗抑或林健鋒也好，名不正言不順，不過是自己黨派頭目，田北俊是質疑他們何來指揮其他黨派的權威。其實一盤散沙， 最受困擾係政府，十多年來建制不斷分裂，除工聯會、民建聯、自由黨外，又再生出新民黨、經民聯，游說拉票苦不堪言，莫講話劉江華、譚志源冇人理睬，林鄭、 689都冇能力command建制派，做共主。每個黨派背後都有自己政治後台，人人鼻孔朝天，局長官員冇權威，最後惟有由西環去吹雞，協助特區政府有效施 政。一國兩制變了保險公司管理法，特登整多幾條Team，大家爭，令下線冇一條Team話到事。
「等埋發叔」表面睇係鬧劇，睇耐啲係恐怖片，再睇耐啲就係一齣悲劇！
經民聯是西環支持下成立的議會派系，08年自由黨爆發內鬥，西環支持林健鋒接替唔聽話之田北俊出任主席，而田則撐自由黨老臣子劉健儀接班，最終林 健鋒、劉柔芬及梁君彥非常突然地退黨，加上更早退黨的劉皇發、西環契女梁美芬、地產界代表石禮謙組成經民聯，同西環關係十分密切，而自由黨就慘情，立法會 內得番三條友，失去建制派核心地位。今次若果西環嫡系在「硬任務」之前都欠組織紀律，無端冇咗一票，你話點向更高層交代，所以臨尾林健鋒先至騰晒雞，搵葉 國謙齊齊吹雞搞流會，搞出大頭佛。事發後梁君彥立即表示下午去向中聯辦解釋，之後石禮謙、吳亮星上門解畫，葉劉表示預約傾心事，擺明話畀大家聽，中聯辦先 至係老闆，毫不掩飾畀香港人親眼目睹香港係由黨委書記話事。
蝦碌事件後各方反應中田北俊一番說話值得深思，翌日佢上電台解釋，指建制派根本唔係一個黨，亦冇主席，只有梁振英先想有建制黨。但大家諗清楚，為何建制派 會變成為一盤散沙，而為何只有梁振英先至想組織建制黨呢？英治時代，港英指派的立法局首席議員就是建制黨主席，最早一個叫何啟爵士，最後一個叫李鵬飛，曾 任自由黨主席。首席議員功能是確保港督會同行政局決定得到立法局支持，首席議員並非由倫敦或港督亂點一通，而係計Seniority，並要得到布政司支 持。立法局引入直選後，反對派挾民意入局，港英立即變陣，九二年決定取消首席議員，而直接由布政司霍德指揮建制派。大英帝國管治精要之處，是只管關節眼， 抓大放小，政治唔係Micromanagement。
問題係今日立會建制派頭領，葉國謙、譚耀宗抑或林健鋒也好，名不正言不順，不過是自己黨派頭目，田北俊是質疑他們何來指揮其他黨派的權威。其實一盤散沙， 最受困擾係政府，十多年來建制不斷分裂，除工聯會、民建聯、自由黨外，又再生出新民黨、經民聯，游說拉票苦不堪言，莫講話劉江華、譚志源冇人理睬，林鄭、 689都冇能力command建制派，做共主。每個黨派背後都有自己政治後台，人人鼻孔朝天，局長官員冇權威，最後惟有由西環去吹雞，協助特區政府有效施 政。一國兩制變了保險公司管理法，特登整多幾條Team，大家爭，令下線冇一條Team話到事。
「等埋發叔」表面睇係鬧劇，睇耐啲係恐怖片，再睇耐啲就係一齣悲劇！
