聽日就係2024年既除夕。幾十年泥世界末日既傳言好似陰魂不散咁興過一次又一次。有人話，呢個世界唔會過到2024年。而屬於我既世界，係十年前就已經末日咗。
十年前，香港發生過一件事，有人話係革命，有人話係社運，但係而家，更多人話係暴亂。二零一五年開始咗冇幾耐，廿三條就好快立咗法，起初都有反對聲
音，後來社會一面倒歌頌呢條正義既法例為香港帶來新和平，本來表明反對既媒體都唔覺唔覺咁消失晒，而再冇媒體去報導呢啲媒體既消失。之後既幾次選舉，建制 派大勝。大家都知道係種票，當我地每次選舉都係信箱見到幾十份來路不明既選民通知，起初都有報警，投訴，但係多數人入到警局已經被留難。最後我地都知道，
冇人會去查呢件事。後來區議會同立法會都係民建聯既人，仲有幾個新成立既親中政黨，慢慢立法會再冇辯論，更加冇人鬧交，所有政策好輕易就通過，大家都話香 港已經得到新和諧。
街上面，到處都掛住「新年快乐」、「圣诞快乐」等等，算係中港文化通既結果。自從香港電視上訴失敗，政府答應從大陸引入多條新頻道以增加電視多樣
化。無線電視越來越少人睇。加埋素質語文校園計劃實施左之後，細路返學唔俾講廣東話，放咗學都係睇普通話兒童節目，夜晚同呀爸呀媽講我要冰淇淋。幾年前， 高鐵同東北發展一齊完成，街上面講廣東話大人細路都越來越少，近深圳既新建地區幾乎全部都係新移民。後來歧視條例規定「新移民」帶有歧視成份，一律要稱為
新香港人，新香港人對於佢地泥講係一個驕傲既身份，因為讀書搵工都會有比香港人更公平既公平機會。而家係香港生活，廣東話已經唔係必要，今屆特首係一個略 懂廣東話既新香港人。當時香港人冇失望，因為香港人好似已經唔會再為任何野而失望。
慢慢，慢慢網上唔同既大網站都接二連三出現奇怪既干擾。係香港冇明文禁止過邊一啲網站，但係Facebook、youtube等等既香港區伺服器就 被無間斷既攻擊。唔少網站最後宣佈退出香港市場，嗰段時間youku出現無廣告香港版，後來廣告返返泥，不過大家都習慣咗，少咗幾個網上都係唔好覺。反
而，大家覺得心煩既野睇少咗，久而久之大家都係心入面說服自己，咩都唔知都好，反正就算知道都改變唔到啲咩野。
我個姪仔今年九歲，係一個精通普話係細路，望到五星紅旗會感動，屋企管教下，勉強肯同父母講下廣東話，香港人已經失去咗真正既下一代。佢本常識書入
面都有講十年前嗰件事，書入面講當年香港警察英勇地制服破壞香港既暴徙。我地最唔想既事情發生咗，佢既志向係大個要做差人。偏偏佢老豆同我頸上面都有幾個 一樣樣既長條型疤痕，就係十年前俾警棍打出泥既。經過十年既潛移默化，佢老豆慢慢相信自己當年真係做錯事，好怕個仔問我地頸上既傷口係點泥，佢好驚俾自己
個仔當係暴徒。而我最後都係得返一隻當年俾棍打到骨折既手陪我年年風濕痛。
當年我地個個廿幾歲人，而家中年都泥緊。大家死捱爛捱終於儲到份首期。又有人做咗老豆，為咗個仔入到名校幼稚園就催谷佢既普通話，冇人再去提當初為
乜事搞到咁大。而家一街小店冇晒，中資公司操縱市場，樓價永遠冇跌既一日，公司升職只有新香港人份，創業更加冇可能，只係今時今日供緊數既大家冇人再敢問 點解。而我唔會生細路，因為我接受唔到自己生個仔一係就做大陸人，一係就做冇希望既香港人。
聽日就係嗰件事完結十周年，所有「十年」、「雨傘」呢啲字眼一律成為新敏感詞。同某年六月發生既事情一樣，大家就算寫係日記簿都唔敢將嗰幾個字寫出
泥。有人話，聽日，就會世界末日，又有人話，末日既只係呢個平衡時空，聽日就係時空回歸既日子云云。今日我係度諗，如果真係平衡時空爆破，我地返返十幾年 前既香港，一切都冇變，新城市廣場仲有噴水池，得閒去旺角食下茶餐廳，望住維港會覺得自豪既嗰個香港，你話幾好。可惜我地已經返唔到去，就係我望著金鐘徹
底失去希望嗰日，我既世界末日已經發生咗。日子都係咁過，唯有等聽日，睇下煙花會唔會特別多。
