泛民上深圳見京官，各自表述，傾唔埋都唔係新聞，因為公眾都冇期望，831決定唔鬆，好難有得傾。本來泛民同北京曾經就2010政改成功達成共識，建立咗協商嘅默契，點知一轉頭北京就使橫手拆台，當日支持談判之中間派學者都呻笨，結果陳健民由支持談判協商變成支持佔中。
香港人幾十年本來都係信奉「袋住先」，由英治時代《代議政制白皮書》，否決八八直選，到九一年先引入十五個立法局直選議席，香港人都係照樣「袋住先」，因為大家心知形勢比人強，冇辦法自己話事，所以有幾多袋幾多，理想主義只係講，務實主義才是王道。
其實直至2012年前，廣東人務實精明仍然係主流，大家心裏邊已接受選舉委員會變成提名委員會，要商討只係出閘門檻百分比。但一場充滿權謀角力嘅特首選 舉，改變了整個形勢，公眾目睹一個深紅背景蠱惑特首登場，用各式謀略撕裂社會，拉高矛盾以求自保，要社會理性溫和力量穩定局面，製造妥協氣氛，難上加難。 689以鬥爭為綱，鬥垮泛民為目標，路人皆見，試問泛民何來動機，同北京就2017政改達至共識呢？鬥而不破前提係大家都唔想置對方於死地，大家有眼睇， 自宣佈雙方在深圳會面後，689就發揮其寸嘴挑機本色，一句「年年都有六四」，寸爆泛民，似踢散會面多於促成妥協。另一單更離譜，借爭議性爆發中之非法入 境兒童肖友懷個案，再次煽動兩地民眾矛盾，質疑香港人「歧視」內地人。
中港矛盾越烈，政改沉船機會越大，民眾情緒化，將任何試圖妥協者均打成「賣港」，而製造這種情緒者，其過程令人充滿疑惑。《經濟學人》雜誌日前一篇關於 「香港獨立」的評論文章，切中要害，評論指出香港有少數人喊出港獨口號，但從未成氣候，而煞有介事地將港獨捧起的，反而是內地官媒及689，評論指內地有 意借此將爭取真普選與港獨綑綁，削弱香港爭取民主運動對內地的影響。撇開陰謀論，從事實所見，將港獨捧起是689施政報告大力批判港大學苑，結果令學苑一 紙風行，相關的書籍《香港民族論》更賣斷市。
越煽動起本土意識、中港矛盾、令年輕一代徹底否定民主派三十年工作，客觀效果係逼泛民全體同北京「破局」，攬炒之後順手將政改失敗責任全部推到泛民身上， 再左右兩邊一齊發動「票債票償」，將整個泛民力量在明年立法會選舉中一鋪打殘。呢條橋毒就夠毒，但香港人係咪真係咁天真，會跟隨689指揮棒起舞呢？
三年以來，689早已變了「鄭子誠」，但凡有佢加上一腳，香港人就會認為事情總有陰謀。如果中央真係咁擔心港獨，其實有個消滅港獨方法，只要689下台或宣佈不再連任，「港獨」就會消失於無形。
香港人幾十年本來都係信奉「袋住先」，由英治時代《代議政制白皮書》，否決八八直選，到九一年先引入十五個立法局直選議席，香港人都係照樣「袋住先」，因為大家心知形勢比人強，冇辦法自己話事，所以有幾多袋幾多，理想主義只係講，務實主義才是王道。
其實直至2012年前，廣東人務實精明仍然係主流，大家心裏邊已接受選舉委員會變成提名委員會，要商討只係出閘門檻百分比。但一場充滿權謀角力嘅特首選 舉，改變了整個形勢，公眾目睹一個深紅背景蠱惑特首登場，用各式謀略撕裂社會，拉高矛盾以求自保，要社會理性溫和力量穩定局面，製造妥協氣氛，難上加難。 689以鬥爭為綱，鬥垮泛民為目標，路人皆見，試問泛民何來動機，同北京就2017政改達至共識呢？鬥而不破前提係大家都唔想置對方於死地，大家有眼睇， 自宣佈雙方在深圳會面後，689就發揮其寸嘴挑機本色，一句「年年都有六四」，寸爆泛民，似踢散會面多於促成妥協。另一單更離譜，借爭議性爆發中之非法入 境兒童肖友懷個案，再次煽動兩地民眾矛盾，質疑香港人「歧視」內地人。
中港矛盾越烈，政改沉船機會越大，民眾情緒化，將任何試圖妥協者均打成「賣港」，而製造這種情緒者，其過程令人充滿疑惑。《經濟學人》雜誌日前一篇關於 「香港獨立」的評論文章，切中要害，評論指出香港有少數人喊出港獨口號，但從未成氣候，而煞有介事地將港獨捧起的，反而是內地官媒及689，評論指內地有 意借此將爭取真普選與港獨綑綁，削弱香港爭取民主運動對內地的影響。撇開陰謀論，從事實所見，將港獨捧起是689施政報告大力批判港大學苑，結果令學苑一 紙風行，相關的書籍《香港民族論》更賣斷市。
越煽動起本土意識、中港矛盾、令年輕一代徹底否定民主派三十年工作，客觀效果係逼泛民全體同北京「破局」，攬炒之後順手將政改失敗責任全部推到泛民身上， 再左右兩邊一齊發動「票債票償」，將整個泛民力量在明年立法會選舉中一鋪打殘。呢條橋毒就夠毒，但香港人係咪真係咁天真，會跟隨689指揮棒起舞呢？
三年以來，689早已變了「鄭子誠」，但凡有佢加上一腳，香港人就會認為事情總有陰謀。如果中央真係咁擔心港獨，其實有個消滅港獨方法，只要689下台或宣佈不再連任，「港獨」就會消失於無形。