亞視鬧劇終告一段落，總算唔使見到令人煩厭的新聞。
香港電視業的問題是死於政治干預之手，無論是無綫一台獨大、出爾反爾封殺王維基、亞視長期積弱吊鹽水、到由now李澤楷去頂替亞視，全部都有政治考慮。無綫依家已非六叔六嬸時代，殼王揸旗，地位怎能同六叔比，邵逸夫是北京統戰對象，捐錢內地從不孤寒，但永遠保持距離。政治黑手要伸入去搞，亦不是隨隨便便 一個小官僚可以做得到，大家只要想像練乙錚長期收到特首辦中人來電「討論」其文章，可以想像今日政治黑手無法無天之程度。以前老董用路祥安干預鍾庭耀民 調，搞出軒然大波，依家689學精了，分開AB隊，除正式特首辦外，還有一隊外邊影子特首辦B隊去搞人，即使留低指紋，也無所謂。無綫佔九成九市場是政 府所樂見，一來無綫取向是娛樂至上，內容去政治化，夠反智，足以培育出一班政治愚民，心甘情願做順民。二來無綫市場壟斷地位係靠政治保護，一旦同政府關係 惡化，壟斷地位不保，邊個敢唔聽特首辦來電指示如何處理「新聞」？
王維基之死，唔係新聞取向，佢早知敏感而放棄唔搞新聞台，但今日要追上時代，娛樂劇集不能太反智，當中也有「政治」內容，引發觀眾思考，對獨裁者而言已是 死罪。至於亞視，王征盤數計錯晒，以為只要夠左，夠保守就有政治保護，佢冇諗過當節目長期最高只有一點收視，即使日日叫馮煒光報新聞，完全緊貼政府立場都 冇用，反正有了乖乖無綫成為政府肚裏一條蟲，又何須又欠薪又冇人睇之亞洲電視呢？
至於now也不見得是好貨色，其老細控制的《信報》完全失去知識分子的立場，社論及新聞陰陽怪氣，唔湯唔水，就算做埋免費電視，也不外乎跟隨無綫舊路，捧 女星拍劇，所謂外購節目亦是一班「圍內人」左手交右手，何來培育創意，香港電視工業死水一潭，已經注定。可以想像越近2017，政治控制會越厲害，而投資 免費電視者，並非從電視工業賺錢，而是對沖其他利益。張曉卿手握《明報》、《亞洲週刊》，又何嘗不是對沖內地生意利益。當維穩形勢越嚴峻，傳媒老闆越奇貨 可居，手上操控的宣傳機器才能真正為老闆賺得mileage。但平時又不能跟車太貼，因為保守言論乃票房毒藥，影響收視及媒體的形象，一旦冇人睇就冇咗政 治價值。
這個大勢根本無從改變，死了一個亞視，還有千千萬萬個亞視，去維持香港繼續做愚民社會，鼓勵大家唔用腦冇思想，只要「一家人齊齊整整，一切誤會定可消除」。
亞洲電視死，但亞洲電視精神卻永存香江！
香港電視業的問題是死於政治干預之手，無論是無綫一台獨大、出爾反爾封殺王維基、亞視長期積弱吊鹽水、到由now李澤楷去頂替亞視，全部都有政治考慮。無綫依家已非六叔六嬸時代，殼王揸旗，地位怎能同六叔比，邵逸夫是北京統戰對象，捐錢內地從不孤寒，但永遠保持距離。政治黑手要伸入去搞，亦不是隨隨便便 一個小官僚可以做得到，大家只要想像練乙錚長期收到特首辦中人來電「討論」其文章，可以想像今日政治黑手無法無天之程度。以前老董用路祥安干預鍾庭耀民 調，搞出軒然大波，依家689學精了，分開AB隊，除正式特首辦外，還有一隊外邊影子特首辦B隊去搞人，即使留低指紋，也無所謂。無綫佔九成九市場是政 府所樂見，一來無綫取向是娛樂至上，內容去政治化，夠反智，足以培育出一班政治愚民，心甘情願做順民。二來無綫市場壟斷地位係靠政治保護，一旦同政府關係 惡化，壟斷地位不保，邊個敢唔聽特首辦來電指示如何處理「新聞」？
王維基之死，唔係新聞取向，佢早知敏感而放棄唔搞新聞台，但今日要追上時代，娛樂劇集不能太反智，當中也有「政治」內容，引發觀眾思考，對獨裁者而言已是 死罪。至於亞視，王征盤數計錯晒，以為只要夠左，夠保守就有政治保護，佢冇諗過當節目長期最高只有一點收視，即使日日叫馮煒光報新聞，完全緊貼政府立場都 冇用，反正有了乖乖無綫成為政府肚裏一條蟲，又何須又欠薪又冇人睇之亞洲電視呢？
至於now也不見得是好貨色，其老細控制的《信報》完全失去知識分子的立場，社論及新聞陰陽怪氣，唔湯唔水，就算做埋免費電視，也不外乎跟隨無綫舊路，捧 女星拍劇，所謂外購節目亦是一班「圍內人」左手交右手，何來培育創意，香港電視工業死水一潭，已經注定。可以想像越近2017，政治控制會越厲害，而投資 免費電視者，並非從電視工業賺錢，而是對沖其他利益。張曉卿手握《明報》、《亞洲週刊》，又何嘗不是對沖內地生意利益。當維穩形勢越嚴峻，傳媒老闆越奇貨 可居，手上操控的宣傳機器才能真正為老闆賺得mileage。但平時又不能跟車太貼，因為保守言論乃票房毒藥，影響收視及媒體的形象，一旦冇人睇就冇咗政 治價值。
這個大勢根本無從改變，死了一個亞視，還有千千萬萬個亞視，去維持香港繼續做愚民社會，鼓勵大家唔用腦冇思想，只要「一家人齊齊整整，一切誤會定可消除」。
亞洲電視死，但亞洲電視精神卻永存香江！