新春頭人人都鍾意聽吉利說話，偏偏劉皇發就去為香港求咗枝下簽，以梁粉一貫陰謀論及鬥爭思維，劉皇發應係包藏禍心，表面服從梁特首，暗中為唐營服務，將簽 筒全部換成下簽，凡求必中，而且仲要全部一式一樣，係95號下簽，簽文是「駟馬高車出遠途，今朝赤腳返回廬，莫非不第人還井，亦似經營乏本歸。」
有人話劉手臭，我就話佢好靈。舊年又係佢求，求得第29簽中籤，簽文為︰「何為邪鬼何為神，神鬼如何兩不分，但管信邪修正外，何愁天地不知聞」。神鬼 如何兩不分？係神係鬼邊個知，一場特首選舉，佢一手裁培之林鄭月娥，同振英夾計操作僭建議題，打殘唐英年，瓜分了特區兩大高位，你話佢係人定係鬼？
振英當選前，吹水唔抹咀，一時又話前朝蹉跎歲月，要用香港速度解決住屋問題，一時又話徹底解決貧富差距，當時香港人比佢點到頭暈，以為佢好掂，好似讀書人 上京赴考，大大聲話一定會高中，誰知醜婦終需見家翁，唔單止當初承諾一切落空，仲要赤腳手fing fing回來，名落孫山，老本都冇晒。簽文喻意好清楚，就係香港會一舖輸清，正如赴考落第及做生意本錢都蝕光。劉皇發當然唔敢講到咁盡，將負面調子降低， 亂嗡一通賴話有小人云云。
呢個輸老本古仔，在董建華巳經發生過，佢認為香港要發圍，一味吹水假大空，搞高科技產業，結果轉型未成，公共財政赤字連連，要削薪減人手資源増值，人人怨 聲載道。振英係建華二世，老董扶佢上去要完成佢大志，所以必定會走回老董舊路。通過經發會、金發局，搞出大小空想藍圖，將政府資源扯晒去做無謂嘢，外圍有 乜變動，就冚包散。
建華之亂，新一年將會再起，香港人真係「赤腳返歸」。